POLOKWANE – Lene-Mari Grobler(28) herstel tans goed na ‘n ongeluk op Vrydag, 20 Maart waartydens sy op die agterkant van ‘n motorfiets raakgery is deur ‘n bakkiebestuurder op die hoek van Marshall- en McDonaldstraat.
Sy het haar linkervoet verloor en het haar regterbobeen gebreek, asook haar heup, linkerskouer en ‘n rugwerwel gekraak.
Sy het ‘n sesuurlange operasie in die Pietersburg Provinsial Hospitaal ondergaan en gaan oor twee weke met terapie begin. Sy beweeg reeds fluks rond in haar rolstoel.