Ave-Mari Oosthuizen, Miemie Saaiman, Juanice van der Merwe en Steyn de Lange het elkeen 'n solo-sang item opgevoer tydens Akademie Reformia se talent aand verlede week.
POLOKWANE – Die leerders van Akademie Reformia het verlede Dinsdagaand ‘n talentaand in die skool se saal aangebied.
Die talentaand het direk na ‘n ouervergadering plaasgevind en het, volgens skoolhoof Marietha Nel, ‘n bietjie meer pret by die aand se verrigtinge gevoeg.
Die kleuters het eerste opgetree en liedjies gesing terwyl hulle met slaginstrumente ritme gehou het.
Die gr. 1- tot 3-leerders het hulle voordragvernuf gewys met ‘n paar gedigte. Hulle het ook pragtige sang-items gelewer en hul slag met die slaginstrumente gewys.
Miemie Saaiman, Ave-Mari Oosthuizen, Juanice van der Merwe, Steyn de Lange, Hardus Saaiman en die tweeling, Jané en Suné van der Hoff het die gehoor ook vermaak met uitstekende solosangitems.
“Ons is trots op ons leerders en al hul talente. Ons bedank ook vir Tilla Labuschagne wat die aand se sangitems saam met die kinders geoefen het,” het Nel gesê.
Johan du Plessis, Buksie Swart, GD van Eeden, Marthinus Grimbeek en Jean van Zyl dra ‘n gedig voor tydens Akademie Reformia se talentaand verlede week.Jané en Suné van der Hoff sing ‘n duet tydens Akademie Reformia se talentaand.Agna Becker en maats in aksie tydens Akade-mie Reformia se talentaand verlede Dinsdag.Minnete Botha en Hardus Koster lig hul hoede as deel van hul sangitem tydens Akademie Reformia se talentaand verlede Dinsdag. Agter staan Michael van Heerden.Michael van Heerden glimlag tydens sy groep se vertoning by Akademie Reformia se talentaand verlede week.Hardus Saaiman bekoor die gehoor met sy stem tydens akademie Reformia se talent aand verlede week.
At Caxton, we employ humans to generate daily fresh news, not AI intervention. Happy reading!
You can read the full story on our App. Download it here.
