Koraal hou hul maandelikse basaar

POLOKWANE – Die senior burgers van die Koraal aftree-oord in Suidstraat het op Saterdag, 4 Julie weer hulle maandelikse basaar gehou.

Die gemeenskap kon talle winskopies kry by die verskeidenheid tafel. Daar was handgemaakte hout-items, heerlike kos, vars groente en vele meer te koop by die basaar. Die atmosfeer was baie gesellig en die gemeenskap het lekker saam met die inwoners gekuier. Een van die inwoners, Joey Pansegrouw, het aan Review vertel dat sy amper nie kon voorbly met haar kostafel nie en sy het die gemeenskap se ondersteuning baie waardeer.