Laerskool visvangliga skop af
Oosskool en Laerskool Pietersburg se hengelspanne was die vangste van die dag met hul indrukwekkende prestasies in die kompetisie.
POLOKWANE – Soos ‘n vis in die water is Oosskool en Pietersburg Laerskool se onderskeie visvangspanne – gemaklik langs die dam waar hulle ‘n voerplek vir visse het en probeer om eerste in die visvangliga te eindig.
Die kompetisie is op 17 Augustus gehou, Die Nyl Dam, Mokopane.
Uit die 13 laerskool spanne wat aan die liga deelgeneem het, behaal Oosskool se enigste span ‘n tweede plek.
Xavier Combrink (Oosskool) word in die derde plek vir die dag uit 48 hengelaars aangewys.
RJ Osendaal (Oosskool) word as Victor Ludorum van Limpopo Laerskole Hengel aangewys en Nathan Wessels (Oosskool) eindig algeheel vierde.
Milly Smith (gr. 2) (Oosskool) neem in die Jonge Damesspan deel en word verkies tot ‘n uitnodigingspan, wat in Bloemhof aan die Kampioen van Kampioene gaan deelneem.
PLS skryf drie seunspanne en drie meisiespanne in.
Hulle eerste seunspan asook die eerste en tweede meisiesspanne dring deur om ook in Bloemhof te gaan deelneem.
Elain Venter (PLS) is op die kortlys vir die Limpopo uitnodigingspan.
Martin Venter (PLS) maak die kortlys vir die Limpopo uitnodigingspan.
PLS Uitslae:
Seuns:
• Eerstespan eindige algeheel eerste,
• Tweedespan eindig algeheel sesde.
• Derdespan eindig algeheel vyfde.
Individueel:
• Righard Cilliers verwerf ‘n tweede plek met twee goue en een silwer toekenning.
• Chris-Lou Duvenhage verwerf ‘n derde plek met vier goue en een brons toekenning.
• Jason Breed verwerf ‘n vyfde plek met twee goue toekennings.
Meisies:
• Eerste span word as ligawenners aangewys.
• Tweede span word as naaswenners aangewys.
• Derde span eindig vierde.
Individueel
• Temicke Kruger word as Victrix Ludorum aangwys met ses goue en een silwer toekenning.
• Janica Cilliers verwerf ‘n derde plek met een goud, twee silwer en twee brons toekenning.
