Osie-krieketspanne te sterk vir Louis Trichardt
Beide die o/10- en eerstespanne het verlede Dinsdag gespeel, met die eerstespan wat na Louis Trichardt gereis het.
![](https://images.caxton.co.za/wp-content/uploads/sites/68/2024/08/Osie-cricket.png)
POLOKWANE – Laerskool Pietersburg-Oos se krieketspanne het verlede week teen hul eweknieë van Louis Trichardt te staan gekom en uitstekende spel gelewer.
Beide die o/10- en eerstespanne het verlede Dinsdag gespeel, met die eerstespan wat na Louis Trichardt gereis het.
Oosskool se senior manne haal LTT se span uit met ‘n telling van 90/10, waarna Oosskool die wedstryd met vier paaltjies wen nadat Hector Swart 32*(46) en Luwhan Oosthuizen 23* (35) vir die meeste van die span se lopies gesorg het.
Die o/10-span teken ‘n indrukwekkende telling van 276/6 aan in die toegelate 25 boulbeurte, en knikker hul teenstanders daarna uit vir 72/10.
Spelers wat die wilgerlat laat werk het, het ingesluit NJ Pretorius 95(63), Jamie Hawken 40(30) en Driaan Nel 28(21).
Die tweede span klop Louis Trichardt ‘n dag later met drie paaltjies en ‘n telling van 89/7, nadat hulle die opponente dwing tot slegs 88 lopies.
Spelers wat Oosskool se lopietelling opgejaag het, het ingesluit Eben Smit 14(30), Keagan Smuts 11(14) en Zack Koekemoer 9*(7).
Livhan van der Merwe beïndruk in sy boulbeurt met ‘n telling van vier paaltjies in 14 aflewerings.
![](https://images.caxton.co.za/wp-content/uploads/sites/68/2022/03/lATEST-FOLLOW-800x291.png)