Adrenaliengevulde sewesrugby by plaaslike skole
Blitsige voetwerk en hoë oktaanspoed was kenmerkend van die sewesrugby wat Saterdag in twee afsonderlike byeenkomste by Hoërskool Pietersburg (PHS) en Hoër Tegniese Skool Tom Naudé aangebied is. Skole van regoor Limpopo het na Polokwane gestroom om aan beide byeenkomste deel te neem. Die Hyundai Blitzfees is by Pieties aangebied waar deelnemers nie net op …
![](https://images.caxton.co.za/wp-content/uploads/sites/68/2018/09/sk05i.jpg)
Blitsige voetwerk en hoë oktaanspoed was kenmerkend van die sewesrugby wat Saterdag in twee afsonderlike byeenkomste by Hoërskool Pietersburg (PHS) en Hoër Tegniese Skool Tom Naudé aangebied is.
Skole van regoor Limpopo het na Polokwane gestroom om aan beide byeenkomste deel te neem. Die Hyundai Blitzfees is by Pieties aangebied waar deelnemers nie net op die rugbyveld kragte gemeet het nie, maar ook op die netbalbane tydens die Fast 5- toernooi en op die hokkievelde tydens die Quick Six-uitdagings koppe gestamp het.
PHS se o.15-en o.17-rugbyspanne is kampioene nadat hulle in die finaal met Hoërskool Ben Vorster afgereken het.
PHS se o.15-netbalspanne behaal die algehele eerste en tweede plek terwyl die o.17-span algeheel tweede eindig. Die hokkiemeisies eindig ook bo aan die punteleer terwyl die seuns met ‘n tweede plek naas Hoërskool Merensky tevrede moet wees.
Op Tom Naudé se veld was ook geen einde aan die aksie nie en Tommies stap met die louere in die skildfinaal weg nadat hulle die Barbarians 36-0 oorrompel het.
Die boul-afdeling is deur Hoërskool Piet Potgieter oorheers terwyl Merensky in die plaat-afdeling wys wie is baas en Ben Vorster in die beker-afdeling koning gekraai het.
Storie en foto’s: RC Myburgh
>>rc.observer@gmail.com
![](https://www.observer.co.za/wp-content/uploads/sites/141/2018/09/sk05a-300x196.jpg)
![](https://www.observer.co.za/wp-content/uploads/sites/141/2018/09/sk05b-300x196.jpg)
![](https://www.observer.co.za/wp-content/uploads/sites/141/2018/09/sk05d-196x300.jpg)
![](https://www.observer.co.za/wp-content/uploads/sites/141/2018/09/sk05e-196x300.jpg)
![](https://www.observer.co.za/wp-content/uploads/sites/141/2018/09/sk05f-196x300.jpg)
![](https://www.observer.co.za/wp-content/uploads/sites/141/2018/09/sk05g-300x196.jpg)
![](https://www.observer.co.za/wp-content/uploads/sites/141/2018/09/sk05h-300x196.jpg)
![](https://www.observer.co.za/wp-content/uploads/sites/141/2018/09/sk05i-300x196.jpg)
![](https://www.observer.co.za/wp-content/uploads/sites/141/2018/09/sk05j-300x196.jpg)
![](https://www.observer.co.za/wp-content/uploads/sites/141/2018/09/sk05l-300x196.jpg)
![](https://www.observer.co.za/wp-content/uploads/sites/141/2018/09/sk05c-300x196.jpg)
![](https://www.observer.co.za/wp-content/uploads/sites/141/2018/09/sk05k-300x196.jpg)