Oosskool spog met opgegradeerde personeelkamer, nuwe trofeekas
Personeel en beheerliggaamlede van Laerskool Pietersburg-Oos het verlede Dinsdagaand die ingebruikneming en opgradering van die nuwe personeelkamer en trofeekas gevier. Skoolhoof, Gideon Pelzer het die gaste verwelkom en almal bedank wat by die projek betrokke was. “Ons is vanaand byeen omdat daar besondere mense in ons gemeenskap is wat bereid is om nie net van …
![](https://images.caxton.co.za/wp-content/uploads/sites/68/2018/06/personeel1.jpg)
Personeel en beheerliggaamlede van Laerskool Pietersburg-Oos het verlede Dinsdagaand die ingebruikneming en opgradering van die nuwe personeelkamer en trofeekas gevier.
Skoolhoof, Gideon Pelzer het die gaste verwelkom en almal bedank wat by die projek betrokke was.
“Ons is vanaand byeen omdat daar besondere mense in ons gemeenskap is wat bereid is om nie net van hulle besittings te gee nie, maar ook van hulself. Sonder hierdie onbaatsugtige dade sou ons droom nooit gestalte kon vind nie,” het Pelzer gesê.
Hy het spesiale dank aan die graad 7-groepe van 2016 en 2017 uitgespreek wat geld ingesamel het vir die projek, asook Werner Nel van Rokkon Development, Nico Venter wat die projekbestuurder was en Peter Pratt van Moolman Group.
“Ons wil eenvoudig ons dankbaarheid met julle deel. Geniet hierdie spesiale geleentheid saam met ons,” het Pelzer gesê.
Storie en foto’s: KAREN VENTER
>>karen@observer.co.za
![](https://www.observer.co.za/wp-content/uploads/sites/141/2018/06/personeel2-300x201.jpg)
![](https://www.observer.co.za/wp-content/uploads/sites/141/2018/06/personeel3-300x201.jpg)