Hengelklub se nuwe komitee, presteerders vereer

Die Anguilla Hengelklub het tydens hul onlangse jaarvergadering ‘n nuwe komitee verkies en lede wat gedurende die seisoen presteer het, vereer.
Michael Fourie is as junior klubkampioen aangewys terwyl René Fourie en Joseph Fourie onderskeidelik met die trofeë as vroue- en manskampioen weggestap het.
Albie Grech is as voorsitter verkies met komiteelede, Johan Muller, Pieter Niemann, René Fourie, Willie Immelman, Nelda Myburgh, Martie Jacobs, Dawie Jacobs en Duane Randall. Die klub verwelkom graag nuwe lede en belangstellendes kan Grech by 082 330 0037 skakel.

Hoof Foto: Anguilla Hengelklub se nuwe komiteelede is Johan Muller, René Fourie, Nelda Myburgh, Martie Jacobs, Dawie Jacobs en Duane Randall. Agter is Pieter Niemann, Willie Immelman en Albie Grech, voorsitter.

RC Myburgh
>>rc.observer@gmail.com