POLOKWANE – Daar is min dinge soos die reuk van ‘n splinternuwe boek en die geluide van die bladsy wanneer jy dit blaai. ‘n Goeie boek het die vermoë om jou weg te voer na ‘n ander wêreld, om jou nuwe dinge te leer en jou boonop besig te hou tydens beurtkrag. Die wêreld het Wêreld-hardopleesdag gevier op Woensdag, 5 Februarie en by verskeie skole is daar aktiwiteite aangebied om leerders bloot te stel aan lees.