POLOKWANE – Die skuif van onder die sterre na binne die skoolsaal het nie die gees en talent van die onderskeie graadgroepe van Hoërskool Pietersburg gedemp nie. Dit was tyd vir die jaarlikse Lente Liedjie en dié verskeie groepe het ten toon gestel dat hulle weet hoe om te werk te gaan om bekende Afrikaanse liedjies hulle eie te maak en ook selfs die Engelse liedjies nuwe klank te gee.
Die gr. 8 tot 11 leerders het die kans gehad om die beoordelaars, wat bestaan het uit personeel en die hoof van die skool, te betower met hul danspassies en ook sang-vermoë om op die einde van die aand die meeste punte te verwerf.
Nie eers die Bok-ondersteunende gr. 9-groep kon die gr. 11-groep weerhou van die trofee nie.
Die groep was trots op hulle oorwinning aangesien vanjaar hulle laaste jaar is wat hulle aan die kompetisie kan deelneem.