POLOKWANE – Die gesegde lui “Water bring lewe” en daar was inderdaad ‘n nuwe lus vir die lewe, toe Hoër Tegniese Skool Tom Naudé se nuwe swembad uiteindelik vol getap is.
Lees meer: Swem Tommie, swem
Skoolhoof, Piet Holtzhausen, te same met korporatiewe bestuurder, Erik Pienaar, en sportorganiseerder, Kobus de Meyer het besluit om die gebeurtenis te vier, deur klere en al, in die water te spring.
Dié swembad se herstel proses het reeds verlede jaar begin, maar die eerste water is laat verlede week eers ingetap. Die leerders en personeel is almal ewe opgewonde oor dié nuwe toevoeging tot die skool.
Dié swembad, is volgens kenners, die enigste Olimpiese standaard swembad in Limpopo met ‘n 25m swemafstand en 10 bane.
