• In die o/10 vrystyl, 50kg wen Zihan Lombaard goud.
Zihan Lombaard stoei reeds van gr.1 af, dus reeds vier jaar: “Stoei leer jou dissipline, deursettingsvermoe, en deur harde werk pluk jy die vrugte,” Hy speel ook graag rugby en krieket. Sy stokperdjies sluit in jag en visvang.
• In die 0/10 vrystyl vat Pieter Joubert brons.
Pieter Joubert stoei sedert Mei 2016 en het in 2017 begin kompetisies stoei. “Dit maak my sterk, maar vir my gaan dit oor die eie persoon. Niemand behalwe jyself is in beheer van ‘n geveg se uitkoms nie.” Pieter het vanaf gr. by Ooskool rugby gespeel tot in 2017, waarna hy besluit het om stoei as sy enigste sport aan te durf. Hy werk hard vier dae ‘n week om die beste te wees in sy ouderdom en gewig. Hy beskryf homself as ‘n teruggetrokke en saggeaarde persoon.
• In die 0/13 Grieks-Romeins styl, 48kg neem AJ Pretorius silwer.
• In die 0/15 Grieks-Romeins styl, 44kg vat Chris Lourens silwer.
Chris Lourens stoei al agt jaar, maar eers kompeterend vanaf 2014. “Op die mat is dit net jy en jou opponent wat sake uitspook. Die oefening is ook lekker want jou hele lyf baat daarby. Die dissipline en uithouvermoë help my baie in my skoolwerk en ook klavier,” Chris het ook reeds sy 116de Parkrun voltooi, en verder geniet hy dit om X-boks te speel en lees baie graag boeke soos Hunger Games en Percy Jackson. Hy hou van grappies en om nuwe dinge saam met sy familie te doen.
• In die 0/15 vrystyl, 85kg wen Kegan Coetzee goud.
Kegan Coetzee is die o/15 (85 kg) (SA Kampioen). Hy stoei nou sewe jaar en met elke jaar groei sy passie vir die sport net meer en meer. “Ek hou van stoei omdat dit uitdagend is en druk my om elke dag ‘n bietjie beter te wees. Stoei leer mens baie van selfvertroue, dissipline en respek vir jou mede stoeiers, nie net op die mat nie maar langs die mat ook.”
• In die 0/15 vrystyl, 57kg kry Reinhard Janse van Vuuren silwer.
Reinhard stoei al vir omtrent agt jaar by Ion Baciu stoeiklub. Hy geniet die sport want dit bied die heeltyd nuwe uitdagings, “Dit leer jou om vinnig te dink en maak jou fiks en sterk,” Reinhard presteer ook in fietsry, en vir ontspanning vang hy graag vis. Reinhard is baie Kompeterend, toegewyd en het deursettings vermoë om hard te werk en sy beste te gee in dit wat hy aanpak.
In die Grieks-Romeins styl behaal Reinhard Janse van Vuuren ‘n vierde plek.
Steyn de Lange stoei reeds vir 12 jaar al en is eerlik deur te sê dat die sport nie altyd vir hom lekker is nie maar hy sal dit nooit los nie: “Dit is goeie oefening en leer ‘n mens dissipline wat jy oral in jou lewe kan gebruik”.
AJ Pretorius, Chris Lourens, Reinhard Janse van Vuurenen Tjay Burger verwerf Limpopokleure omdat hulle reeds drie agtereenvolgende jare in die Limpopospan opgeneem is, en die provinsie tydens die Jeugkampioenskappe verteenwoordig het.
