Piet Potgieter ouetehuis Whisky Paring: Kom smul en proe saam
Kos en wyn is al vir eeue pasmaats, maar wat van kos en whisky?
![](https://images.caxton.co.za/wp-content/uploads/sites/68/2018/07/alcohol-933367_960_720.jpg)
MOKOPANE – Na die onlangse whiskyproe wat met groot sukses aangebied is, het die Piet Potgieter ouetehuis stoute skoene aangetrek en besluit om ‘n kos en whisky paring op Woensdag, 25 Julie, te hou. Dit begin om 18:30 en kaartjies kos R100.
Freddie, die sjef daar, sal sorg vir’n liplekkerspyskaart. Hoe klink Pancetta met vye, gerookte vis met roomkaas, varkrib met appelstrudel, gestoofde pere en bloukaas met beskuitjies en vrugte? Elke gereg word individueel met ‘n gepasde whisky gepaar. Name soos Black Douglas, Clan Campbell, Johnny Walker, James King en nog ander is op die spyskaart.
Kom kuier saam en verruim u kos- en whiskykennis terselfdertyd. Daar is net plek vir 50 mense en kaartjies is beskikbaar by Mariaan van Tonder, Bestuurder van die ouetehuis.