“Ek dink jou gesindheid oor Valentynsdag word grootliks bepaal deur of jy iemand spesiaals in jou lewe het of nie. As jy iemand het wil jy dit spesiaal maak vir hom/haar, maar indien jy nie iemand het nie kan die dag dalk effe lank wees.”
POLOKWANE – Valentynsdag word bykans reg oor die wêreld gevier, en simboliek met die dag is ‘n bos rooi rose, sjokolade en ‘n liefdes verklaring kompleet gegriffel op ‘n kaartjie vol rooi hartjies. Dit is die een dag van die jaar waar oneindige liefde openlik verklaar word en meeste restaurant gevul is met paartjies wat diep in mekaar se oe staar en handjies vashou soos twee verliefde koer-duifies. Wat die dag baie spesiaal maak is dat dit gebaseer is op die een ding waarna almal smag, of hul dit nou wil verklap of nie, liefde en iemand wat omgee.
Maar wat dink tieners nou eintlik oor Valentynsdag? Is dit in of uit, is daar nog belangstelling in die gebaar van geskenkies aandra of is dit ‘n lang verlore dag? Review het ondersoek ingestel en PHS leerders in die kollig geplaas om te verklap wat hul nou eintlik van die dag dink.
“Valentynsdag is sinoniem met liefde, en liefde is soos sjokolade, altyd soet. Dit is ‘n baie spesiale dag waar jy jou geliefde kan bederf, al is dit met iets klein, want dit is reeds die klein dinge in die lewe wat werklik saak maak.”
“Ek is absoluut gek oor Valentynsdag! Dit is ‘n geleentheid om vir almal, vir wie jy omgee, te wys hoeveel jy hulle wardeer deur hulle baie te bederf. En wie hou nou nie daarvan om bederf te word nie.”
“Ek dink Valentynsdag is lekker as jy iemand spesiaal in jouk ewe het, dank an jy dit oulik maak. En as jy van iemand hou kan jy die dag as verskonig gebruik om jou ware gevoelens aan hul bekend te maak.”
“Dit is beslis ‘n dag waarna almal uitsien, en ‘n dag wat almal om jou spesiaal wil maak vir daardie spesiale person in jou lewe. Dit gun jou die kans om vir almal te wys hoe jy jou geliefde wardeer.”
