‘English High Tea’ at Eeufeeshuis

Melville Botha van Sent2Serve Ministries het soos gewoonlik 'n heerlike jaarafsluiting vir die inwoners van die Eeufeeshuis gehou op Vrydag, 18 November.

November 21, 2016

Maretha Swanepoel 1 minute read

Send2Serve Ministries en die borge wat die High Tea by die Eefeeshuis moontlik gemaak het. Voor staan Melvile Botha (Sent2Serve Ministries), Andrew Chikane (Garden Court, Kombuisbestuurder) Gert Strydom (Garden Court, Bestuurder) and Madelein Muller (BB Auto). Agter is Naphataly Kgokolo (Garden Court Chef), Cecily Jacobs (inwoner), Charlotte Groenewald (inwoner), Joan de Beer (inwoner) en Ida Sonnekus(inwoner). Foto's: Verskaf

POLOKWANE – “Ons hou elke jaar ‘n funksie en het hierdie jaar besluit om ‘n ‘English High Tea’ te hou. Die inwoners het lekker gesmul aan high tea eetgoed, die mans het gepronk in hulle bolkuil hoede en die vrouens was opgetooi in krale en vere.”

Sent2Serve Ministries besoek Eeufeeshuis elke Vrydag waar Melville en vrouens van verskillende gemeentes die inwoners en dagbesoekers bedien met die Woord.

“Die borge het gehelp om die dag baie spesiaal te maak, ‘n spesial dank aan BB Auto, AGS Taberna Dei, Garden Court Hotel, Oasis en die individue wat gesorg het dat die inwoners heerlik kon kuier en smul.”

Johnny Graham, Die Assosiasie vir Persone met Gestremdhede (APD), se Fondsinsamelaar en Bewusmakings Offisier, vertel dat die inwoners die dag baie geniet het.

“Die mense het heerlik gelag, gesmul en saam met Melville en die ander mense gekuier.”