Skole ‘speel’ virtuele rugby: Kyk wie dring deur na volgende ronde
Die BDCE Campus Cup-kompetisie het 256 skole die kans gegee om deur middel van ‘n Facebook-stemming weg te stap met R15 000 se kontant.
POLOKWANE – Skolerugby is ‘n groot deel van enige skool se jaarlikse kalender. Ongelukkig is die kans om opponent vanjaar plat te trek maar skraal vanweë die grendeltyd, en die School of Rugby het derhalwe besluit om ‘n virtuele kompetisie te hou vir skole regoor Suid-Afrika.
Die BDCE Campus Cup-kompetisie het 256 skole die kans gegee om deur middel van ‘n Facebook-stemming weg te stap met R15 000 se kontant. School of Rugby is ‘n webwerf wat oor alle skolerugbygebeure beriggee.
Tydens die eerste ronde, wat oor twee weke gestrek het, het ‘n paar plaaslike skole teen ander skole deelgeneem. Skole is lukraak gekies en die skool met die minste stemme, het uitgeval. Hoër Tegniese Skool Tom Naudé, Hoërskool Pietersburg, Hoërskool Piet Potgieter en Hoërskool Louis Trichardt het almal in die eerste ronde deelgeneem. PHS en Piet Potgieter het deurgedring na die volgende ronde.
Stemme open Woensdag en sluit Saterdag.
Die eerste ronde se uitslae:
- Hoërskool Zwartkop klop Tom Naudé met 57-43.
- PHS klop HTS Welkom met 72-28.
- Piet Potgieter klop Hoërskool Oosterland met 51-49.
- Langenhoven Gimnasium klop Louis Trichardt met 64-36.
Behalwe vir die R15 000 kontant is daar ook ‘n USN geskenkpak ter waarde van R8 000 wat gewen kan word. Die verloorder ontvang R10 000.
Hou PHS en Piet Potgieter se Facebook-bladsye dop om vir hulle te stem.
https://www.facebook.com/Schoolofrugby/posts/10158240966377347
https://www.facebook.com/Schoolofrugby/posts/10158241043997347
