Centurion gimnaste op pad na Malta vir internasionale kompetisie
’n Span gimnaste van die Centurion Gimnastiekklub neem hierdie week op die eiland Malta deel aan ’n internasionale GymStars gimnastiek klubkompetisie.
’n Span van 14 jong meisies-gimnaste van die Centurion Gimnastiekklub het Maandag na die eiland Malta in die Middellandse see vertrek om deel te neem aan ’n internasionale klub-spankompetisie.
Die span sal ook vergesel word deur vier beamptes, wat ’n spanbestuurder en afrigters insluit.
Foto: Koos Venter
Die GymStars Malta International Women’s Club Competition is al jare lank een van die mees prestigeryke artistiese gimnastiek klub-kompetisies in Europa en lok jaarliks byna 300 gimnaste van 17 klubs uit tien verskillende lande.
Deelnemers van die Centurion Gimnastieklub wissel tussen die ouderdomme 10 tot 16 en die meisies gaan die geleentheid kry om hulself op alle apparate teen internasionale teenstand te toets.
Foto: Koos Venter
Dis die tweede keer dat ’n span van die Centurion Gimnastiekklub die geleentheid kry om aan hierdie kompetisie deel te neem en daar word verwag dat verskeie van hul gimnaste goeie prestasies behoort te lewer.
Groot opgewondenheid het laat verlede week by die klub geheers toe die meisies hul uitrusting van hul borg, MediHelp, ontvang het.
Het jy dalk meer inligting rakende dié storie? Stuur gerus vir ons ‘n epos na bennittb@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerf: Rekord
Besoek ook ons Facebook, Twitter en Instagram blaaie.
