Dis erg genoeg as ons hier in Centurion kort-kort kragonderbrekings as gevolg van donderstorms moet beleef, en dan nog, nadat ons vir 12-ure as gevolg daarvan sonder krag was, ’n driekwart-uur nadat die kragtoevoer herstel is, vir ongeveer twee ure daarná, nog beurtkrag ook moet ondergaan!
Die kragonderbreking as gevolg van die donderstorms, het op 12 Februarie om ongeveer 02:00 by ons in Wierdapark begin en die krag is eers om ongeveer 14:15 herstel.
En dit net nadat ons die kragopwekker vir ongeveer vyf minute aan die gang gehad het!
Beurtkrag is om ongeveer 15:00 ingestel en het voortgeduur tot ongeveer 17:00.
Pleidooie aan die plaaslike munisipale verteenwoordiger van ons gebied om Eskom te versoek om nie nog beurtkrag op ons gebied ná die herstel van die 12-ure kragonderbreking, ook toe te pas nie, het nie gerealiseer nie.
Dit toon maar net weereens in welke netelige posisie die verbruiker/belastingbetaler in hierdie land verkeer.
Alhoewel ons kwansuis in die “nuwe SA” woonagtig is, geld die wet van die “ou SA” steeds naamlik: “K@k/koop en betaal is die wet van Transvaal”.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.