Hoërskool Eldoraigne vier 50 jaar van groei, gemeenskap en sukses en beoog om ’n skool te word vir toekomstige geslagte.
Die skool het sy deure in 1974 geopen met die eerste 103 seuns en 120 meisies en 14 personeellede
van nabygeleë laerskole regoor die gebied.
Destyds het die leerders nog hul laerskooluniforms gedra en help gras plant vir ’n sportveld. So is die skoolkultuur gebore.
Dinge lyk vandag baie anders as destyds. Waarnemende hoof Dave du Plessis het aan Rekord telegramme gewys waardeur die skool gekommunikeer het.
Die skoolgeboue is deur ’n proef-en-foutmetode aangebou, aangesien hulle vinnig gevestig moes word vir die oorloop van Hoërskool Voortrekkerhoogte.
Bouers het die skool gebou uit voorafvervaardigde dele wat op ’n staalraam geïnstalleer moes word en sorgvuldig ontwerp is om die dolomietrots te hanteer wat as die rotsbasis van die gebied beskou is.
Die stewige ontwerp was op die ou einde nie nodig nie, aangesien daar ontdek is dat die skool nie eens oor dolomietrots gebou is nie. Die etos van die ontwerp spreek steeds tot die karakter wat onderwysers in die ongeveer 1 400 leerders probeer inboesem.
“Dit is met groot verwagtinge dat ons uitsien na die toekoms van Hoërskool Eldoraigne,” het Du Plessis aan Rekord gesê.
Hy verduidelik dat die sukses van die skool baie te doen het met die gemeenskap.
“As jou gemeenskap jou nie vertrou nie, sal die leerders na ’n ander skool gaan.
“Dit is baie belangrik vir ons dat die gemeenskap saam met ons op hierdie reis gaan. Ons is geseënd om die gemeenskap te hê wat ons het, want as die gemeenskap vrot is, sal die skool ook so wees.”
Hy sê die skool trek selfs oudleerders om terug te kom en daar onderrig te gee, met nie minder nie as 18 personeellede wat hul blou penne vir rooi verruil het.
“Ten spyte van die veranderinge wat met verskillende generasies gepaard gaan, staan Eldoraigne uit vir hoe hulle mense van karakter en integriteit lewer.
“Vir my is dit ’n aanduiding van die siel van die skool. Dit is ’n plek waar hierdie mense veilig gevoel het, waar hulle hulself kan wees.”
Hy sê dat hy elke dag sien hoe passie en toegewydheid na die leerders oorgedra word.
“Om jou roeping te beantwoord, is eintlik ’n werkwoord wat jy elke dag moet doen en jy moet daaraan werk. Dit is waar ons uitstaan, ons leuse is nie net woorde nie.”
Adjunkhoof Simone Grobler is een van die oudleerders wat wou teruggee aan haar skool.
“Ek het teruggekeer na die skool as ’n leerling-onderwyser, dus het ek nie baie tyd afgehad vandat ek hier is nie.
“Toe ek teruggekom het, was daar ’n onmiddellike toon van respek. Ek was ’n 20-jarige wat in ’n klaskamer gestaan het en ek het hierdie groeiende gevoel van geleentheid as ’n jong opvoeder gevoel,” sê sy.
“Hierdie skool het vir my baie geleenthede in my leeftyd gebied en dit het aangehou toe ek terugkom as ’n opvoeder. Ek het dit gesien as ’n geleentheid om terug te gee.
“Ek glo in wat ons by hierdie skool doen.”
Grobler sê dat die afgelope 50 jaar het hulle ’n sterk fondament in die gemeenskap gebou.
“Ons kan nie hierdie fonadament afskeep nie, dus moet ons aanhou werk aan wat hierdie skool spesiaal maak, maar daar is opwindende dinge wat voorlê. Ons wil hierdie skool na nuwe hoogtes bring.”
Sy verduidelik dat daar baie werk in die skool se sport ingaan, terwyl die akademiese departemente hard werk om aan die voorpunt van onderwys te staan. Dit sluit in die bekendstelling van nuwe vakke soos siviele tegnologie en landboustudies.
Het jy dalk meer inligting rakende dié storie?
Stuur gerus vir ons ‘n epos na bennittb@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerf: Rekord
Besoek ook ons Facebook, Twitter en Instagram blaaie.
