Die jaarlikse Noord-Gauteng Stoei Skoleliga het op Saterdag, 8 September 2018, by die Noord-Gauteng stoeisaal in Menlopark plaasgevind.
Tydens hierdie geleentheid het 13 spanne uit 11 skole deelgeneem.
Laerskool Wierdapark was die enigste skool wat twee spanne in die A-liga ingeskryf het.
Dié laerskool se stoeitalent lyk baie belowend vir die toekoms.
Die A-span het in die finaal teen Laerskool Monumentpark te staan gekom, 10 uit 12 gevegte gewen en gevolglik die kompetisie gewen met ’n eindtelling van 43-25.
Die B-span het teen Laerskool Constantiapark se A-span meegeding vir die bronsmedalje en naelskraap met 34-32 verloor en sodoende ’n vierde plek behaal.
Laerskool Wierdapark het vir die vierde agtereenvolgende jaar die trofee ontvang vir die Noord-Gauteng stoeiskool van die jaar.
Agter v.l.n.r: Mnr Gerdouw Kruger (Organiseerder), Ryno Killian, Aldo Janse van Rensburg, Victor Koopmans en Mnr. Jan-Boland Deysel (Spanbestuurder);
Voor v.l.n.r: Ewan Fivaz, Hanré Claasen, JZ Erasmus, Xander Koopmans, Thomas Labuschagne en Liam Kotze.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
