Kerkgroep help met gesondheidstoetse
Inwoners het die gesondheidsoefeninge geniet.
‘n Gesondheidstoets is Sondag deur die Sevendedag Adventistekerk in die Moot se Jacaranda Community Centre gehou.
Die toets het bestaan uit agt sleutelwoorde wat die woord “New Start” voorgestel het. Die woorde is: nutrition, exercise, water, sunshine, temperance, air, rest en trust.
Verskeie persone se gesondheidstoestand is getoets deur te kyk na aspekte soos: wat en hoe gereeld hulle eet, long-kapasiteit, hoe gereeld hulle oefen, slaappatrone, leefstyl, hartklop in ‘n rustende en dan aktiewe toestand, bloeddruk en fisieke dimensies.
Organiseerder Colleen Smit het gesê die doel van die toets was om mense se gesondheid in geheel te bepaal en dan raad te gee hoe om dit te verbeter.
Na die toets het elkeen ‘n botteltjie water en ‘n mini-massering ontvang.
Smit het gesê hulle bied jaarliks die gleentheid met groot sukses aan.
Vir gratis gemeenskapsnuus, besoek Rekord se webwerwe:
‘Like’ ons Facebook blad en volg ons op Twitter.
