‘n Damesoggend vir liefdadigheid
Pretoriase vroue het Saterdagoggend by ‘n restaurant in Menlyn bymekaar gekom ter ondersteuning van behoeftiges.
’n Plaaslike skoonheid en sakevrou van Pretoria het Saterdag haar ondersteuning vir liefdadigheid getoon toe sy saam met ’n klompie ander barmhartige vroue tydens ’n Christmas in July- damesoggend by ’n restaurant in Menlyn geld ingesamel het.
Gassprekers het gaste toegespreek oor verskeie onderwerpe soos vrouwees en verhoudinge en ’n mode-vertoning met verskeie geborgte uitrustings het gaste vir ure lank vermaak.
Die organiseerder, Karen Schwendtke, ‘n finalis in vanjaar se Lady Gracious- en Out of Africa- skoonheidskompetisies, het die geleentheid ten bate van behoeftiges gereël.
Geld wat tydens dié spoggeleentheid by Rhapsody’s ingesamel is, sal aan die parapleeg Brandon Mendez, sowel as kinders van CHOC (Children Cancer Association of SA) geskenk word.
