Randfontein Rugbyklub se eerste span en die Goue Leeus Rugby Unie (GLRU) se Senior Groot Uitdaagbeker-kampioene het die seisoen afgeskop met ‘n 38-elk gelykop uitslag teen Germiston Simmer in Greenhills op Saterdag, 15 April.
Lees ook: How does rugby affect the brain?
Alhoewel albei spanne waardevolle ligapunte deel word daar in rugbykringe gesê dat om gelykop te speel is soos om jou suster te soen.
Lees ook: Rappies-leerders lus vir rugby en netbal
Teine was reeds teen halftyd 24-17 agter met Tiaan Nel se drie doelskoppe wat gehelp het ‘n telling opbou terwyl Rudi Marx en Theo Calitz elk twee drieë gedruk het, en Swys Pretorius, Gerhard Vorster en Rynhard Kruger elk met een doel ook bygedra het tot die telling.
Randfontein se o21s het wel hul kragmeting gemaklik 48-5 gewen met Collin Da Corte wat twee drieë gedruk het en Wian Wray, Tayron Domoney, Xander Smith, Jano du Plessis en Eugene Willemse elk een. Eugene Willemse het dan met vier doelskoppe geslaag terwyl Vincenzo Visagie een oorgeklits het. Ryan Strydom het bygedra met een stafskop.
Teine se tweede span het vir Simmers gewys hoe dit gedoen word toe hul hulle met ‘n wegholsege van 63-0 gespog het. Michael Tolmay het briljant gespeel en vier keer agter die opponent se doellyn gaan kuier terwyl Christo van Emmenis, Marthinus Jacobs, Brandon Viviers en Ferdi Janse van Rensburg, Duhandre Joubert, Manny Eyssen en Akhona Tsharane elk een drie gedruk het. Kevin de Jager het ook vier doelskoppe aangeteken vir die span.
Direkteur van rugby Hennie van Eck het vertel dat dit baie lekker was om weer met die liga te begin.
“Ons o21 en tweede span het baie goed gespeel en was welverdiende wenners van hulle onderskeie wedstryde. Ons eerste span moes ongelukkig die wedstryd deel nadat ons meerderheid van die wedstryd agter was.”
Randfontein se speler van die week was Michael Tolmay wie ‘n uitstekende wedstyd gehad het.
“Ons klub is op ‘n baie goeie plek en is geseënd met talentvolle spelers. Ons sal graag meer vir die gemeenskap wil doen om die stadium nog voller te sien.”