Die kleuters van Little Angels Daycare en Kleinfontein Kleuter en Leer Akademie het op Saterdag, 1 April ‘n heerlike atletiekdag gehou saam met die Monkeynastix-span.
Lees ook: RAM-atleet wen silwer tydens SA’s
Chevonne Buitendag, hoof van Little Angels Daycare het vertel dat daar vir al die maats ‘n hindernisbaan opgestel is met verskillende aktiwiteite soos ‘n eier en lepel resies, sakspring, donkie-hop en toutrek. Die Monkeynastix-gelukbringer was ook daar om saam met die maats te dans en foto’s te neem.
Lees ook: Two REM athletes reach Top 10 at SAs
Chevonne en Marilu Janse van Rensburg (hoof van Kleinfontein Kleuter en Leer Akademie) het dit goedgedink om ‘n atletiekdag saam te hou vir hulle maats en om die gemeenskap te wys dat hulle mekaar kan opbou.
“Ons kleuters het ‘n heerlike oggend gehad, daar was gelag, gespeel en baljaar soos kinders moet. Dit was ook ‘n oggend waar ouers en kinders tyd saam kon spandeer.”
Andre Dednam het ook heerlike musiek verskaf sodat die kinders lekker kon dans tussen hul gespelery.
“Elke maat het ‘n ysie en medalje gekry om dankie te sê dat hulle en hulle ouers saam met ons die oggend kom geniet het.”