Johann Bezuidenhout het die belangrikheid van sosiale potspel verduidelik toe die SA Nasionale Potspelkompetisie afskop het.
Plaaslike spelers speel twee keer ‘n week sosiale potspel by die Greenhills-stadion.
Volgens Johann word hierdie sosiale kompetisies om verskeie redes gehou, naamlik om die liefde vir die sport uit te druk en ontspanning te verskaf tydens die streng verpligtinge van die liga.
Johann het bygevoeg dat sosiale kompetisies baie belangrik is omdat dit indiwidue help om in die spesifieke sport te groei.
“Potspel is ‘n sport net soos enige ander sport. Dit bring mense bymekaar vanuit alle rigtings. Dit bou eenheid, samesyn en is ontspannend ook. Enige mens kan deelneem aan hierdie sport en ‘n persoon kan groei en bou,” het hy afgesluit.