Dit was bra broekskeur, maar Randfontein Rugbyklub se eerste span is steeds die span om te wen na ‘n sege van 37–36 oor sy aartsvyand Roodepoort Rugbyklub op 29 Junie.
Die wedstryd was wel ‘n vriendskaplike een wat by die House of Pain plaasgevind het, maar vir dié twee klubs is dit altyd ‘n kwessie van wie’s baas op die Wes-Rand.
Die eerste span het vyf drieë gedruk waarvan Johan Swart ‘n briljante driekuns vermag het. Verder spog Herman van Eck en Jacqone de Villiers met een drie elk. Tiaan Nel het dan twee doelskoppe en een strafskop aangeteken terwyl Janco Tiedt een doelskop oorgeklits het.
Die tweede span het 19–0 geseëvier met Christoff Kleyn, Brandon Viviers en Renaldo Visser wat elk een ‘n drie gedruk het terwyl Steff Calitz met twee doelskoppe kon slaag.
Die derde span het agt drieë gedruk vir ‘n wegholsege van 52–15. Driedrukkers was Dwayne van der Walt en Theo Calitz (elk twee drieë), Ricardo Visser, Christo Hugo, Ryan Strydom en Sifiso Miya (elk een). Theo Calitz het dan twee doelskoppe oorgeklits en Ryan Strydom vier.
Teine se vroue span het egter ‘n groot loesing ervaar met ‘n telling van 34–0 teen Zondi.
