80 vroue by Randfontein Rolbalklub se vrouedag
Vroue vanaf Krugersdorp, Noordheuwel, Discovery en so ver as Randburg het die klub kom ondersteun.
Talle vroue van regoor die Wesrand het bymekaargekom om deel te neem aan die Randfontein Rolbalklub se jaarlikse Ladies Day wat op Woensdag, 19 April plaasgevind het.
President van die klub, Vera Pretorius het vertel dat daar 80 vroue van Krugersdorp, Noordheuwel, Discovery en selfs so ver as Randburg die dag bygewoon het.
Lees ook: Bowling fun continues in Randfontein
“Die jaarlikse Ladies Day word gehou om fondse in te samel vir die klub, om ons bane te onderhou en ook ons klub te onderhou want dit is die enigste inkomste wat ons het.”
Vera het verduidelik dat Lenmed Randfontein Privaat Hospitaal ‘n groot gedeelte van die dag geborg het, hulle het vir al die vroue wat gespeel het griepinspuitings gegee, papsmere aangebied en bloeddruk- en cholesteroltoetse gratis aagebied.
Na ‘n heerlike ontbyt het die vroue 18 koppe gespeel en was later bederf met ‘n lekker middagete waar almal saam kon gesels en opvang.
Lees ook: IPA West Rand hosts bowling fundraiser
Daar was ook gelukkige trekkings gewees en ‘n kontantprys vir die beste speler van die dag.
“Dit was net ‘n klomp vrouens wat bymekaar gekom het om die dag te geniet.”
