Rappies hou huissport

Laerskool Rapportryer het voorverlede maand hul jaarlikse huissport-byeenkoms aangebied.

Skoolwoordvoerder Esme Botha het vertel dat die velditems vroeg die oggend plaasgevind het met die atlete wat alles gegee het vir ‘n plek in die atletiekspan.

“Die huissport het in goeie gees plaasgevind en gelukkig vir ons atlete het die weer mooi saamgespeel. Die span is reeds hard aan die oefen en ons sien uit na ons volgende byeenkoms in 2023 waar ons aan die graad 1-leerders en nuwe leerders weer ‘n geleentheid gaan bied om deel van die Rappies atletiekspan te wees,” het sy vertel.