Local MotoringLocal sportMotoringSport
Liefhebbers spog met hul motors vir ‘n goeie doel
Al die geld wat ingesamel is, is aan die einde van die dag aan 'n plaaslike vrou geskenk wat aan borskanker ly.
Plaaslike motorliefhebbers het onlangs ‘n Cancer Charity Run ondersteun om geld in te samel vir iemand wat aan borskanker ly.
Een van die organiseerders Willem Posthumus het verduidelik dat die 707Legends Crew besluit het om op Saterdag, 28 Mei ‘n motorskou by Highway Bike and Car Wash te hou om geld in te samel vir ‘n plaaslike borskankerlyer.
Die skou was ‘n baie groot sukses en ons is baie bly oor almal se ondersteuning,” het Willem vertel.
Hy het verduidelik dat hulle al die geld wat ingesamel is aan die einde van die dag vir die inwoner gegee het, saam met ‘n trofee om vir haar te wys hoe ‘n sterk vrou sy is en dat sy vir hulle as span bewys dat almal sterk kan wees deur moeilike tye.
