Tydens vanjaar se jaarlikse liga- en derbystryd tussen Laerskool Rapportryer en Laerskool Randfontein op Donderdag, 12 Mei was Rappies die wenners.
Dis was vir Rappies ‘n dag vol opwinding wat reeds begin het met geesvang en videoboodskappe van gesoute rugbyspelers soos Brok Harris (Stormers), Julian Redelinghuys (voormalige Springbok- en Goue Leeus-speler), huidige Blou Bulle Zak Burger en Ruan Steenkamp, Werner Kruger (voormalige Bul), Ruan Pienaar (Cheetahs) en Alwyn Hollenbach (voormalige Goue Leeu).
“Die ondersteuning van ons Rappies-ouers, -leerders, -personeel en voormalige leerders as toeskouers om die veld het gesorg vir ‘n goeie atmosfeer,” het Rappies-skoolwoordvoerder Esme Botha vertel.
Ondersteuners van albei skole het die eerstespanwedstryd in ‘n goeie gees geniet en dit was ‘n ongelooflike kragmeting! Rugby is teen ‘n hoë tempo gespeel en albei spanne het alles gegee.”
Laerskool Rapportryer het die wedstryd uiteindelik 15–8 gewen.
“Tiaan Nel (afrigter van die Rappies-eerstespan) het sy mede-afrigters Rudi Marx en AT Kruger bedank vir hul harde werk en toewyding. Hy het bygevoeg dat die afrigters en al ons Rappies-ouers en -leerders baie trots is op al die spanne wat aan die dag deelgeneem het.”
Ander uitslae gedurende die dag is soos volg:
• o.9B: Laerskool Rapportryer 10–5 Laerskool Randfontein
• o.10B: Laerskool Rapportryer 32–5 Laerskool Randfontein
• o.11A: Laerskool Rapportryer 24–5 Laerskool Randfontein
Die oorwinning was soet en die trofee staan by Rappies. Die skool bedank elke ondersteuner wat daar was.”