Riebeeckrand-hokkiedogters vaar briljant in die sport
Vyf van hul hokkiedogters is opgeneem in die D2/D12 B-hokkiespan en drie van hul spelers is opgeneem in die Suid-Gauteng hokkiespan.
Hoërskool Riebeeckrand is trots op vyf van hul hokkiedogters wat in die D2/D12B-hokkiespan opgeneem is.
Hulle is Dintle Phaswana, Molebogang Rabai, Onthatile Serai, Karabo Miya and Giyana Dyers.
Skoolwoordvoerder Elzeri Wright het vertel dat die eerste rondte proewe op Donderdag, 7 April plaasgevind het en die tweede rondte het op Dinsdag, 12 April plaasgevind.
Die finale rondte van die proewe vir die Suid-Gautengse hokkiespan is op Saterdag, 14 Mei afgehandel en drie van Riebeeckrand se dogters is in die span opgeneem. Molebogang en Onthatile het die o.14C Suid-Gautengspan gehaal, en Karabo Miya is in die o.16C Suid-Gautengspan.
Riebeeckrand se hokkiespelers vaar uitstekend vanjaar en het negende in die Super 16 geëindig. Hulle streef daarna om hul spel voordurend te verbeter en hul harde werk voort te sit,” het Elzeri vertel.
