Talle fietsryers van RandMark gaan weer vanjaar se uitdagende Race To The Sun aanpak.
Dit is ‘n 160km-fietsren wat by die oewer in Hartbeespoort begin en uiteindelik by Sun City naby Rustenburg eindig.
Lees ook: Members of Randmark honoured for completing Race to the Sun
Klubwoordvoerder Lee Kotze het vertel dat dit ‘n eendagwedren is en deelnemers het 10 uur 40 minute om die wedren te voltooi.
Vanjaar is daar 21 lede van RandMark wat aan die wedren gaan deelneem teenoor 2021 se 11 deelnemers.
Sy het verduidelik dat baie families die wedren gaan aanpak, soos pa en dogter Jan en Lee Kotze; man en vrou Thinus en Laneses Forbes; man en vrou Mike en Trudie Reid; en pa en seun Nico en Tiaan Smit.
Daar heers groot opgewondenheid onder die klublede wat wissel van ryers wat mik vir ‘n silvermedalje tot dié wat net die fietsren wil voltooi. Tydens Randmark se weeklikse aktiwiteite word daar gereeld strategie gesels en raad word gegee aan deelmeners wat dit vir die eerste keer aanpak.”
Sy het vertel dat die eerste 80km van die roete afdraande is en ryers kan daar lekker tyd opmaak. Dit is baie belangrik om die voordeel van die afdraande te gebruik want tussen 90km en 100km begin ryers te klim tot net verby die 120km-merk.
“Die wedren kan ook voltooi word in spanne van twee, en Trudie Reid en Burgert Smit gaan as gemengde span deelneem in die E-bike afdeling wat beteken dat een spanmaat die eerste 80km van die wedren doen, en die tweede spanmaat die laaste 80km.
