Die somber weer kon nie die talle gholfspelers keer om Laerskool Randfontein te ondersteun tydens hul jaarlikse gholfdag nie.
Vroeg op Donderdag, 17 Maart het spelers by die Krugersdorp Gholfbaan gearriveer om die dag saam met die skool te geniet en ‘n gesellige ronde gholf te speel.
RAM se gholfdag was vol pret, met elke speler gefokus om altyd een hou beter as hul spanmaat te probeer slaan.
Organiseerder van die gholfdag, Steve Greyvenstein het vertel dat dit soos elke ander jaar ‘n reusesukses was danksy hul borge en die gemeenskap wat so gewillig is om elke jaar te help.
Die gholfdag is ten bate van die skool. Ons wend elke jaar se gholfdaginkomste aan vir ons kinders en die gemeenskap, en ons gebruik dit na goeddenke.”
Vanjaar se gholfdagfondse gaan gebruik word vir ‘n nuwe turfblad op die skool se A-krieketveld.
Laerskool Randfontein bedank graag al hul borge wat die dag moontlik gemaak het: Nate’s Restaurant, EPR, Trifonics, Noble Properties, NWK Retail, Jawitz Properties, Ben Morgenrood Group en Hoërskool Riebeeckrand.