Nagenoeg 26 lede van die gemeenskap het op Dinsdag, 3 September bymekaargekom om pluimbal te speel, saam te kuier en die lente te verwelkom.
Dié Pluimballentedag is by die Westonaria Sportklub gehou.
Susan Cronjé, voorsitter van die Westonaria Pluimbalklub het die funksie gereël. Daar was spelers nie net van Westonaria nie, maar ook van Randfontein, Pretoria en Fochville.
Die rondtes het elk vyf minute lank geduur waarna die spelers kante geruil en weer vyf minute lank gespeel het.
Daar was wonderlike pryse vir die wenners asook heerlike peuselhappies en ander verversings vir almal om te geniet.
Die spelers het boonop te spoggerig gelyk in hul helder kleure en blomversierings.
Related Articles
