Connies-atlete gee alles

Inwoners van die Connie Mulder Sentrum het op Dinsdag, 19 en Woensdag, 20 Maart hul allerbeste op die atletiekveld en -baan gegee.

Volgens Fransie Hulme van die sentrum het Connies, Die Oord, Gateway Huis vir Geestesgestremdes, Irene Homes vir Verstandelik Gestremdes, Logwood Village en die Wes-Randse Vereniging vir Fisies Gestremde Persone aan die byeenkoms deelgeneem.

Daar was 52 atlete van die Connie Mulder Sentrum wat die dag deelgeneem het. Die oudste deelnemer was die 70-jarige Hendrik Kleynhans.

Fransie het gesê dat die hoogtepunt was toe die deelnemers van al die sentrums aan die begin van die byeenkoms om die veld gestap het terwyl Chariots of Fire” gespeel het.