Mile High se bestes kry hul gordels
Die Mile High Kickboxing and Shidokan Fight Club Randfontein het onlangs hul jaarlikse swartgordel-gradering asook Shidokan en Extreme Striking Toernooi gehad.
![](https://images.caxton.co.za/wp-content/uploads/sites/3/2018/12/IMG-20181130-WA0010_51868.jpg)
Skopboks is nie speletjies nie, maar Randfonteiners wat aan dié sport deelneem, het hulle deur die jaar goed van hul taak gekwyt.
Die Mile High Kickboxing and Shidokan Fight Club Randfontein het onlangs hul jaarlikse swartgordel-gradering asook Shidokan en Extreme Striking Toernooi gehad.
Een van shihan Henk Pelser, eienaar en afrigter by die klub, se voormalige studente en instrukteur, Mariolette Gerber is die afgelope jaar as ‘n Suid-Afrikaanse Kampioen aangewys. Sy het boonop vir haar derde dan swartgordel gekwalifiseer, ten spyte daarvan dat sy vir 10 jaar ‘n blaaskans geneem het.
“Sy het vir ‘n paar van die manne ore aangesit wat fiksheid aanbetref en na vier uur se harde gradering het sy en van die ander swartgordel-skopboksers nog ‘n bietjie brandstof in hul tenks oorgehad, reg vir nog,” het hy gesê.
Henk is ‘n baie streng afrigter en hy het gesê dat hy baie trots is op elke student wat in 2018 gradeer het en aan toernooie deelgeneem het.
“Wat die gradering so moeilik maak, is dat meeste van die studente nog die vorige dag aan ons Shidokan en Extreme Striking Toernooi deelgeneem het,” het hy verduidelik.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!