Die o.15’s van Hoërskool Jan Viljoen (Jannas) het uitstekend gevaar in T20- en 50-boulbeurtkrieket.
Volgens die Tamaryn Smith, skoolwoordvoerder, was hulle vanjaar onoorwonne.
“Een van die hoogtepunte was toe die T20-span vir Ahmed Timol Secondary School (ATS) in die eindstryd met 40 lopies geklop het terwyl die 50-boulbeurtspan vir Hoërskool Bastion ook in ‘n eindstryd met 177 lopies verslaan het,” het sy gesê.
Austin Nel met 484 lopies is aangewys as die beste kolwer van die seisoen, terwyl die beste bouler Dylan van der Poel was nadat hy 23 paaltjies geneem het. Keagan Coetzee is as die beste veldwerker aangewys.
Niekie Barkhuizen, die o.15’s se afrigter het gesê dit was ‘n besonderse seisoen en bedank elke speler vir sy bydrae tot die spanne se sukses.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (onthou asseblief om jou kontak besonderhede by te voeg) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes
Roodepoort Record
Krugersdorp News
Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!