‘n Atmosfeer van hartseer maar ook oorwinning het Saterdag by die Randfontein Oval-baan geheers toe ‘n gedenkbyeenkoms ter nagedagtenis aan die alombekende Vinnige Fanie gehou is.
Vinnige Fanie is op 4 Junie tragies oorlede, enkele ure nadat hy die wentrofee in die 2100cc-klas gewen het. Hy het diep spore in mense se harte ingery en sal lank in die gemeenskap onthou word. Renjaers van heinde en verre het kom deelneem, en die stadion was propvol aanhangers en ondersteuners.
Die uitslae vir die wedrenne op 17 Junie was soos volg:
• Vierslagfietse: Eerste was Steven Swanepoel, Ryno Trichardt was tweede en Stewardt Fell derde
• Tweeslagfietse: Eerste was Ryno Trichardt, Steven Swanepoel was tweede en Bryan Herbst derde
• Kinders: Eerste was Shem Kotze, Shiloh Kotze was tweede en Thasha Lee derde
• 1660cc-klas: Eerste was Lee Roy Hoffman, Shane Bromilow was tweede en Albert John derde
• Ninjas: Eerste was Deon Kirsten, Andre van Niekerk was tweede en Helgard Westraad derde
• Standaard Stockrods: Eerste was Gideon van Zyl en Chane Kruger was tweede
• Dames: Eerste was Simoné Barkhuizen, Jolandi Raubenheimer was tweede en Chanté Schlebusch derde
• Midgets: Eerste was Anco Jordaan, Jan de Bruyn was tweede en Robbie Robbertse derde
• HotRods: Eerste was Tommie Wiggill, Gert Kruger was tweede en Anja Herbst derde
• 2100cc: Eerste was Johan Botha, Roelof Wolvaardt was tweede en Brandon Joubert derde
• Flexi’s: Eerste was Ben Morgenrood, Zander Minnie was tweede en Deon Coetzee derde
