Riebeeck se o.15’s is naaswenners van T20-reeks
Riebeeck se o.15-krieketspan is as die naaswenners van die Gauteng-Wes T20-reeks aangewys nadat hulle teen Nories vasgeval het.
Dit was so hittete, maar die o.15-krieketspan van Hoërskool Riebeeckrand kan hul koppe hoog hou na afloop van die Gauteng-Wes T-20 reeks.
Die span is as die naaswenners van die reeks aangewys.
Die span was die wenners van hul groep en het na die kwarteindstryd deurgedring waar hulle Randfontein Sekondêr gemaklik met sewe paaltjies geklop het.
Die seuns het toe vir Hoërskool Carletonville in die halfeindstryd gepak en met vier paaltjies geseëvier. In ‘n klipharde eindstryd teen Hoërskool Noordheuwel was die Krugersdorpers net te goed.
Riebeeck se o.15’s is as naaswenners trots op dit wat hulle gedurende die krieketseisoen bereik het.
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (sluit asseblief kontakbesonderhede in) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
