Maritzie skop haar plek tot heel bo
Ontmoet die leerling van Laerskool Gerrit Maritz Primary wie die wêreldkampioen in haar gewigskategorie is.
Daar word nog baie suksesvolle jare vir die jong skopbokser, Jo-Ane Barnard voorspel.
Die 12-jarige leerling van Laerskool Gerrit Maritz Primary het sedert sy haar skopboks-loopbaan by die Mile High Skopboksklub in Randfontein op die ouderdom van 6 begin het reeds groot hoogtes bereik.
Volgens Sonia Eksteen, skoolwoordvoerder, het sy begin om in die Great North se 1-, 2- en 3-kategorieë te baklei. Sy het haar eerste Gauteng-Wes en SA klere in 2012 ontvang.
Dit was maar soos ‘n wipplank deur die jare soos sy óf silwer óf goud verower het.
In 2016 ontvang sy weer haar Gauteng-Wes en Gauteng-klere. Sy word boonop toe gekies om SA in die World Games wat in Johannesburg by die Ticket Pro Dome op 15 Oktober plaasgevind het te verteenwoordig. Sy is tydens die geleentheid sommer ook as World Martial Arts-wenner aangewys. Sy is die wêreldkampioen in haar gewigskategorie wat 35 tot 40 kilogram is.
Jo-Ane gló vas aan die gesegde wat lui: “Never back down, never quit and never give up!”
Het jy dalk meer inligting rakende dié storie? Stuur gerus vir ons ‘n e-pos na randfonteinherald@caxton.co.za (sluit asseblief kontakbesonderhede in) of skakel ons by 011 693 3671.
Vir daaglikse gratis gemeenskapsnuus aan die Wes-Rand, besoek ook ons susterkoerante se webtuistes Roodepoort Record, Krugersdorp News en Get It Joburg West Magazine
Besoek ook ons Facebook, Twitter en Instagram blaaie om jou stem te laat tel!
