Die gholfmanne van Hoërskool Jan Viljoen het tydens ‘n onlangse gholftoer hul tegniek opgeskerp ter voorbereiding van volgende jaar se liga.
Volgens die sportdirekteur van Hoërskool Jan Viljoen, Fanie Schoonraad het agt van Jannas se onderwysers en tien leerlinge van 6 tot 10 Oktober by Nyati Sportskool in Brits tuisgegaan en hul tegniek op vier van Suid-Afrika se bekendste en mees uitdagende gholfbane bemeester.
Dié bane is Magaliespark Gholfbaan, Sun City Country Club, Lost City Gholfbaan en Pecanwood Gholfklub in Hartebeespoort.
“Die toer het ons spelers baie nuwe vaardighede help bemeester en elkeen van hulle het die geleentheid baie geniet. Dit sal hulle ook baie help tydens die opkomende gholfliga,” vertel Schoonraad.
Schoonraad en die res van die organiseerders van die toer bedank elke borg wat dit vir die leerlinge moontlik gemaak het om op die toer te gaan.
