Melissa se dansstudio is tops

Studente van die Melissa Badenhorst Dans Studio het tydens vanjaar se Raca Kunswedstryd en Nasionale Eisteddfod uitgeblink.

Volgens die eienaar van die dansstudio, Melissa Badenhorst het haar studente talle toekennings verower.

Uitblinkers sluit in Twane Herbst wat ‘n diamanttoekenning en ‘n junior diploma ontvang het; Anais Weeks het ‘n diamanttoekenning verower; Delane Janse van Vuuren het met ‘n platinumtoekenning en diploma by die Nasionale Eisteddfod weggestap.

Verder het Ashley Janse van Vuuren, Gemma Botha, Marleen Nothnagel, Christelle Vosloo, Veronique le Roux en Leannique Botha almal platinumtoekennings tydens die Raca Kunswedstryd verower.

“My studente het ook aan die Roodepoort Dans Kunstefees deelgeneem waar hulle met ses eerste plekke spag,” vertel Badenhorst.

Sy sê dat Ilandre Lombard, Almay Els, Delane, Anais, Gemma, Christelle en Twane ook platinumtoekennings tydens Raca, diplomas tydens die Nasionale Eisteddfod en eerste plekke tydens die Roodepoort Dans Kunstefees in hul onderskeie dans trios verwerf het.

“Marleen Nothnagel en Jane Strydom het onderskeidelik platinum-toekennings by Raca verwerf en die junior tap duet kategorie tydens die Roodepoort Dans Kunstefees gewen,” vertel Badenhorst.

Caitlin de Sousa, Ashley Janse van Vuuren, Mari Landsberg, Danelle du Plessis, Savanna Brummer, Chelne Olivier, Nicole Willemse en Almay Els het ook hul groep items tydens die Roodepoort Dans Kunstefees gewen.

Badenhorst wens al die studente wat deelgeneem het aan verskeie kunstefeeste geelgeneem het geluk en bedank al die studente en hul ouers vir die harde werk en toewyding wat hulle tot dié puik prestasies gelei het.