![](https://images.caxton.co.za/wp-content/uploads/sites/3/2014/09/DSC_0300-Medium.jpg)
Laerskool Rapportryer spog vanjaar met 15 landloopatlete wat tydens die D2-Landloopkampioenskappe in aksie was.
Volgens die skakelbeampte van Laerskool Rapportryer, Roleen Olivier, het Rappies puik presteer. Verder is vier hul landloopatlete in die D2-skole landloopspan opgeneem.
“Dié atlete sal ook binnekort aan die Gauteng Landloopkampioenskappe in Vereeniging deelneem,” vertel Olivier.
Liezl Pio (o.9) het tydens die D2-kampioenskappe goud behaal, terwyl Sandra Wijtenburg (o.12) ‘n silwermedalje ingepalm het.
Kayla Minnie (o.12) het ook puik gevaar en haarself van ‘n bronsmedalje tydens die D2-kampioenskappe verseker en Ashley Minnie (o.10) het ‘n algehele vierde plek verower.
“Die o.12 dogters het die D2-kampioenskap spankompetisie ook gewen en ook sodoende elkeen ‘n goue medalje verower,” vertel Olivier.
Die span het uit Sandra Wijtenburg, Kayla Minnie, Lee-Ona Pretorius, Nicole Erwee en Elisma Pio bestaan.
“Sandra Wijtenburg, Ashley Minnie en Kayla Minnie sal ook hulle merk by die SA Klublandloop kampioenskappe in George maak,” vertel Olivier.
Die bestuur en afrigtingspan by Laerskool Rapportryer is werklik trots op elkeen van hul landloop atlete.
![Liezl Pio, Sandra Wijtenburg, Kayla en Ashley Minnie is almal in die D2 Landloopspan opgeneem.](https://images.caxton.co.za/wp-content/uploads/sites/3/2014/09/DSC_0296-Medium-400x266.jpg)