Dis asof die munisipale bywetgewende boewe hier in Toekies deur die venster geslinger is.
Sommige strate is nou onbegaanbaar vir verkeer en voetgangers weens straathoek-sokkertoernooie. Ronddwaalhonde, rommelstrooiing en gemeenskaplike onwettighede soos dobbelary op randstene kom nou algemeen voor.
Daar word steeds gegis oor die opening van ‘n binnemuurse sportkompleks wat tot dusver lyk na ‘n vuurblussende bad. Kleinsake deur bona fide-inwoners word deesdae op straat bedryf terwyl ‘n kleinsakesentrum (by die vier hoeke) jare lank in onbruik staan …
Alle noodsaaklike dienste is buite bereik van die meeste inwoners. Rusverstoringsklagtes soos luidrugtige laatnag blêrkasmusiek is ‘n hopelose klaaglied.
Niemand ken hulle wyke en gekose raadslede nie.
Als te danke aan wyke en partyskappe. Die vlaag van onwettige bedrywighede gedurende ontoelaatbare ure vier hoogty terwyl politieke raadslede steeds in stilswye verkeer. Dalk sal straatkomitees en vertoë soos voorgestel deur mamma Grace White alle huidige plae uit die weg ruim.
Ons bid.