• Esther Sequeira van Witpoortjie skryf:
Ek is nie ‘n inwoner van Randfontein nie, maar met my besoek daar was ek geskok om na meer as ‘n jaar te sien dat daar nog niks aan slaggate in die paaie van Randgate gedoen is nie.
Dit is ‘n pad wat daagliks gebruik word om kinders na en van Rapportryer Laerskool te vervoer.
Moet die munisipaliteit se bestuur eers wag dat daar ‘n groot, ernstige ongeluk plaasvind voordat hulle sal besluit of hulle ‘n poging sal aanwend om dit te herstel? Daar is twee strate, Mark- en- Bothastraat, waar die gate dwarsoor albei bane lê en so diep is dat dit uiters gevaarlik is. Dis moeilik om daardeur te ry sonder om jou voertuig te beskadig.
Verlede jaar was die gate al daar en soos ek dit opsom, is daar nooit iets daaraan gedoen nie. By albei het al noodlottige ongelukke plaasgevind.
Dit is verkiesingstyd en ek sou regtig dink dat alle partye darem iets daaraan sou laat doen om stemme te werf.
Maar nou ja, ons leef seker maar in Afrika.
