Beide leerders en onderwysers van Laerskool Rapportryer het onlangs ‘n opwindende pannekoek en pajamas-dag gehad.
Volgens skoolwoordvoerder Celeste Wentzel het elke leerder gespog met hul gunsteling pajamas en die onderwysers het nie gehuiwer om deel te wees van die geleentheid nie.
“Die dag was nie net prettig nie, maar dit het die skool ‘n geleentheid gegee om spanbou te oefen en die skooljaar meer opwindend te maak. Dit was wonderlik om te sien hoe die kinders en onderwysers saamwerk en net lekker kuier. Ons het almal nodig om soms te ontspan en hierdie dag het net die regte toon geslaan,” het Celeste gesê.
Laerskool Rapportryer se pannekoek en pajama-dag was volgens Celeste ‘n groot sukses en het ‘n glimlag op elke leerder se gesig gelaat. Celeste het bygevoeg dat dit ‘n tradisie is wat Rappies graag sal wil voortsit.