Schools
Plaaslike graadeentjie binnekort te sien in kortfilm
Sy het haar kursus saam met Izak Davel voltooi.
![](https://images.caxton.co.za/wp-content/uploads/sites/3/2022/09/meisie-780x470.jpg)
‘n Plaaslike meisie gaan binnekort te sien wees in ‘n kortfilm wat op DStv uitgesaai gaan word.
Die sewejarige Joané Swanepoel, ‘n Graad 1-leerder by Laerskool Rapportryer, het vroeër vanjaar ‘n oudisie afgelê vir SpeelToneel. Haar ma Natasja het vertel dat haar dogter haar gevorderde kursus van vier maande saam met Izak Davel voltooi het.
Die kortfilm word vervaardig deur ABS-produksie en sal in Januarie volgende jaar op Via op DStv uitgesaai word,” het sy vertel.
Die kortfilm genaamd Want liefde kos mos niks gaan op Dinsdag, 27 September en Woensdag, 28 September opgeneem word.
Joané se ma het vertel dat hulle baie trots is op haar, dat sy die mooiste persoonlikheid het en dat sy 110% insit in als wat sy doen.
![](https://images.caxton.co.za/wp-content/uploads/sites/3/2022/09/WhatsAppImage2022_96298.jpeg)