Donasies broodnodig om behoeftiges te help – God’s Army
'n Vermaaklike Country Gospel Show-fondsinsameling was steeds nie genoeg om behoeftiges te help nie, maar dit is steeds nooit te laat nie, het die stigter van die God's Army aanbiddingsentrum aangemoedig.
Die God’s Army aanbiddingsentrum het onlangs ‘n Country Gospel Show aangebied om fondse in te samel vir minderbevoorregtes.
Op 14 September was die musiek hard en die dansvloer warm nadat baie mense deur verskeie kunstenaars, insluitend Tertius Swanepoel, vermaak is.
Alhoewel die atmosfeer energiek was en die sentrum dankbaar is, het die stigter van die aanbiddingsentrum, Hennie Marais, gesê die fondse wat ingesamel is, is steeds nie genoeg nie.
“Ons sukkel vreeslik om fondse en skenkings in te kry. Die skou het goed gegaan, maar die fondse is nog te min. Mense daar buite ly. Help ons om hulle te help,” het hy uitgespreek.
Die aanbiddingsentrum bestaan ??al agt jaar en voorsien intussen behoeftige mense van kos en klere. Volgens Hennie is dit ‘n geregistreerde nie-winsgewende organisasie.
Indien iemand bereid is om te skenk, kontak die God’s Army sentrum by 079 050 5175.
