Daar was vanjaar weer ‘n oorvloed van omgee tydens vanjaar se Santa Run wat op Saterdag, 26 November by Randfontein Rugbyklub plaasgevind het.
Gert Krog, president van die Naughty By Nature-motorfietsklub en een van die organiseerders het vertel dat vier klubs soos Naughty By Nature; Tenaz; Wicked Wheels en K9 Riders namens die West Rand Biker Association (WRBA) deel van die dag gevorm het.
Dit was vanjaar die 17de jaar wat dit gehou is en daar was meer as 40 klubs teenwoordig.
Tydens die dag was daar verskeie stalletjies gewees wat mense kon geniet asook twee musiekgroepe wat opgetree het, ‘n waterpark, ‘n Color Run asook ‘n skou vir motors, motorfietse en die polisie se honde-eenheid.
“Die Santa Run is gehou om vir minderbevoorregte kinders iets vir Kersfees te kan gee.”
Gert het verder verduidelik dat hulle op die dag meer as 4 650 geskenkpakkies, wat onder andere verskeie speelgoed insluit, ingesamel het wat dan uitgedeel gaan word vir nie-winsgewende organisasies, skole en hawelose kinders.
“Dit was ‘n groot sukses en kan ons deur hierdie projek baie glimlagte op kinders se gesigte sit.”