Die afgelope naweek se weer was wonderlik, en baie mense het die mark besoek wat op Saterdag, 6 Augustus by Betesda Bedieninge gehou is.
Lees ook: Hervormde Gemeente Sionspoort se Vleisfees ‘n jaarhoogtepunt
Daar was baie om van te kies by die talle stalletjies, en daar was smaaklike kos. Vir die kinders was daar springkastele, asook gesigverf en verskeie speletjies waar pryse gewen kon word, en allerhande speelgoed en geskenke was te koop.
Daar was ook ‘n babakompetisie, en verskeie besoekers het kameelritte onderneem.
Organiseerder van die mark Juanita Coetzee het verduidelik dat die mark op die eerste Saterdag van elke maand gehou word, en dat Saterdag se mark baie goed verloop het en dat almal hulself geniet het.
Die volgende mark by Betesda Bedieninge is op Saterdag, 3 September.
